ವನ್ಯಜೀವಿಗಳ ದಾಳಿ ಹೆಚ್ಚಳವೆಂಬ ವರದಿ ಸುಳ್ಳು- ಅರಣ್ಯ ಇಲಾಖೆ ಮಾಡಬೇಕಾದ್ದನ್ನೆಲ್ಲ ಮಾಡುತ್ತಿದೆ: ಅರಣ್ಯ ಇಲಾಖೆ ಸಚಿವರಿಂದ ಸಮರ್ಥನೆ

ತಿರುವನಂತಪುರಂ: ನಿಲಂಬೂರ್ ಕುರುಳೈ ಎಂಬಲ್ಲಿ ಮಣಿ ಎಂಬ ಬುಡಕಟ್ಟು ಯುವಕನನ್ನು ಕಾಡಾನೆ  ದಾಳಿ ಮಾಡಿ ಕೊಂದು ಹಾಕಿದೆ.
ಘಟನೆ ಕುರಿತು ಅರಣ್ಯ ಸಚಿವರು ಪ್ರತಿಕ್ರಿಯಿಸಿದ್ದು,  ವಾರದಲ್ಲಿ ಕಾಡಾನೆ ದಾಳಿಗೆ ಬಲಿಯಾದ ಮೂರನೇ ವ್ಯಕ್ತಿ ಮಣಿ.
ದಾಳಿಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ ಎಂದು ಹೇಳುವುದು ವಾಸ್ತವಿಕವಾಗಿ ತಪ್ಪು.  ಅರಣ್ಯ ಇಲಾಖೆ ಹಾಗೂ ಸರಕಾರದ ಪ್ರಯತ್ನದ ಫಲವಾಗಿ ಹಿಂಸಾಚಾರ ಮತ್ತು ಸಾವಿನ ಸಂಖ್ಯೆ ಕಡಿಮೆಯಾಗಿದೆ ಎಂಬುದನ್ನು ಪ್ರಸ್ತುತ ಅಂಕಿಅಂಶಗಳು ತೋರಿಸುತ್ತವೆ ಎಂದು ಸಚಿವರು ಹೇಳಿದರು.
ಪೂಚಪಾರ ಮಣಿ ಎಂಬ 40 ವರ್ಷದ ಬುಡಕಟ್ಟು ವ್ಯಕ್ತಿ ತನ್ನ ಮಗಳನ್ನು ಕ್ರಿಸ್‌ಮಸ್ ರಜೆ ಮುಗಿಸಿ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ಇಲಾಖೆಯ ಹಾಸ್ಟೆಲ್‌ಗೆ ಹಿಂದಿರುಗಿಸುತ್ತಿದ್ದಾಗ ಕಾಡಾನೆ ದಾಳಿ ಮಾಡಿದೆ.   ಮಣಿಯನ್ನು ಒಂದೂವರೆ ಕಿಲೋಮೀಟರ್ ವರೆಗೆ ಕನ್ನಕೈಗೆ ಹೊತ್ತೊಯ್ದು ನಂತರ ಜೀಪಿನಲ್ಲಿ ನೆಡುಂಕಾಯಕ್ಕೆ ತಂದು ಆಂಬುಲೆನ್ಸ್‌ನಲ್ಲಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು.
ಇದೇ ವೇಳೆ, ಕೆಲವು ವಾರಗಳ ಹಿಂದೆ, ಎರ್ನಾಕುಲಂನ ಕುಟ್ಟಂಪುಳದಲ್ಲಿ ರಾತ್ರಿಯಲ್ಲಿ ಎಲ್ಡೋಸ್ ಎಂಬ ಯುವಕನನ್ನು ಕಾಡಾನೆ ದಾಳಿ ಮಾಡಿ ಕೊಂದಿತ್ತು.  ಇದಾದ ಬಳಿಕ ಇಡುಕ್ಕಿ, ವನ್ನಪುರಂ, ಮುಳ್ಳರಿಂಗಾಡ್ ನಲ್ಲಿ ಅಮರ್ ಇಲಾಹಿ ಎಂಬ ಯುವಕ ಆನೆ ದಾಳಿಗೆ ಬಲಿಯಾಗಿದ್ದಾನೆ.
ಜನವಸತಿ ಪ್ರದೇಶಗಳಲ್ಲಿ ಕಾಡುಪ್ರಾಣಿಗಳ ದಾಳಿ ತಡೆಯಲು ಬೇಲಿ ಹಾಕುವುದು, ಕಂದಕ ರಚನೆ ಸೇರಿದಂತೆ ಮುಂಜಾಗ್ರತಾ ಕ್ರಮಗಳನ್ನು ಅನುಷ್ಠಾನಗೊಳಿಸಿ ನಿರ್ವಹಣೆ ಮಾಡುವಲ್ಲಿ ಅರಣ್ಯ ಇಲಾಖೆ ವಿಫಲವಾಗಿದೆ ಎಂಬ ಆರೋಪವಿದೆ.