ರಷ್ಯಾದ ಕೂಲಿ ಸೈನಿಕರೊಂದಿಗೆ ಕೇರಳೀಯ ಸೇರಿಕೊಂಡ ಘಟನೆ: ತ್ರಿಶೂರ್‍ನ ಮೂವರು ಏಜೆಂಟ್‍ಗಳ ಬಂಧನ

Top Post Ad

Click to join Samarasasudhi Official Whatsapp Group

ತ್ರಿಶೂರ್: ರಷ್ಯಾದಲ್ಲಿ ಕೂಲಿ ಸೈನಿಕರ ಸೇನೆಗೆ ಸೇರಿದ ಕೇರಳೀಯ ಮಲಯಾಳಿಗಳ ಹತ್ಯೆಗೆ ಸಂಬಂಧಿಸಿದಂತೆ ಮೂವರು ಏಜೆಂಟ್‍ಗಳನ್ನು ಬಂಧಿಸಲಾಗಿದೆ.

ವಡಕ್ಕಂಚೇರಿ ಪೋಲೀಸರು ಎರ್ನಾಕುಳಂ ಮೂಲದ ಸಂದೀಪ್ ಥಾಮಸ್, ಚಾಲಕುಡಿ ಮೂಲದ ಸುಮೇಶ್ ಆಂಟನಿ ಮತ್ತು ತ್ರಿಶೂರ್‍ನ ತೈಯೂರ್ ಮೂಲದ ಸಿಬಿ ಅವರನ್ನು ಬಂಧಿಸಿದ್ದಾರೆ.

ವಲಸೆ ಕಾಯ್ದೆ, ಮಾನವ ಕಳ್ಳಸಾಗಣೆ ವಂಚನೆ ಆರೋಪಗಳ ಮೇಲೆ ಬಂಧನವನ್ನು ಮಾಡಲಾಗಿದೆ. ಮುಂದಿನ ದಿನಗಳಲ್ಲಿ ಅವರಿಂದ ಹೆಚ್ಚಿನ ಮಾಹಿತಿಯನ್ನು ಸಂಗ್ರಹಿಸಲು ಪೋಲೀಸರು ಯೋಜಿಸಿದ್ದಾರೆ. ರಷ್ಯಾದ ಕೂಲಿ ಸೈನಿಕರ ಸೇನೆಗೆ ಸೇರಿ ಯುದ್ಧದಲ್ಲಿ ಭಾಗವಹಿಸಿದ್ದ ತ್ರಿಶೂರ್ ಮೂಲದ ಬಿನಿಲ್ ಬಾಬು ಉಕ್ರೇನಿಯನ್ ಡ್ರೋನ್ ದಾಳಿಯಲ್ಲಿ ಸಾವನ್ನಪ್ಪಿದ್ದರು.

ಜನವರಿ 5 ರಂದು ಬಿನಿಲ್ ಕೊಲ್ಲಲ್ಪಟ್ಟಿದ್ದರು. ಆರನೇ ದಿನ ಬಿನಿಲ್ ಅವರ ಮೃತದೇಹವನ್ನು ಅವರ ಸ್ನೇಹಿತ ಜೈನ್ ಕಂಡುಕೊಂಡರು. ಆ ನಂತರ ನಡೆದ ದಾಳಿಯಲ್ಲಿ ಜೈನ್ ಕೂಡ ಗಾಯಗೊಂಡರು. ಭಾರತೀಯ ರಾಯಭಾರ ಕಚೇರಿಯ ಅಧಿಕಾರಿಗಳು ಬಿನಿಲ್ ಅವರ ಪತ್ನಿ ಜಾಯ್ಸ್ ಅವರಿಗೆ ಸಾವಿನ ಬಗ್ಗೆ ಮಾಹಿತಿ ನೀಡಿದ್ದರು. 

ಬಿನಿಲ್ ಕುಟ್ಟನೆಲ್ಲೂರಿನ ತೋಲತು ಕುಟುಂಬದ ಬಾಬು ಮತ್ತು ಲೈಸಾ ದಂಪತಿಯ ಪುತ್ರ. ಇಬ್ಬರೂ ಏಪ್ರಿಲ್ 4, 2024 ರಂದು ರಷ್ಯಾಕ್ಕೆ ತೆರಳಿದ್ದರು.  ಈ ಇಬ್ಬರು ವ್ಯಕ್ತಿಗಳು ಎಲೆಕ್ಟ್ರಿಷಿಯನ್ ಆಗಿ ಕೆಲಸ ಮಾಡಲೆಂಬ ತಪ್ಪು ನಂಬಿಕೆಯ ಮೇಲೆ ರಷ್ಯಾಕ್ಕೆ ಕರೆದೊಯ್ಯಲಾಗಿತ್ತು.