ಮಂಗಲ್ಪಾಡಿ ಪಂಚಾಯತ್ ಆಡಳಿತ ಸಮಿತಿ ವಿರುದ್ಧ ಉನ್ನತ ಮಟ್ಟದ ತನಿಖೆಗೆ ಪಿಡಿಪಿ ಆಗ್ರಹ

ಕುಂಬಳೆ: ವಯನಾಡಿನ ದುರಂತ ಪ್ರದೇಶದಲ್ಲಿ ನಿರಾಶ್ರಿತರಿಗೆ ನೆರವು ನೀಡಲು ಸ್ಥಳೀಯರು ಸಂಗ್ರಹಿಸಿದ್ದ ಅಗತ್ಯ ವಸ್ತುಗಳನ್ನು ಕಳ್ಳತನ ಮಾಡಿರುವ ಆರೋಪ ಎದುರಿಸುತ್ತಿರುವ ಮಂಗಲ್ಪಾಡಿ ಪಂಚಾಯತ್ ಆಡಳಿತ ಸಮಿತಿ ವಿರುದ್ಧ ಉನ್ನತ ಮಟ್ಟದ ತನಿಖೆ ನಡೆಸುವಂತೆ ಪಿಡಿಪಿ ಮಂಜೇಶ್ವರ ಮಂಡಲ ಸಮಿತಿ ಒತ್ತಾಯಿಸಿದೆ.

ಈ ಕುರಿತು ಮುಖ್ಯಮಂತ್ರಿ ಹಾಗೂ ಡಿಜಿಪಿಗೆ ದೂರು ಸಲ್ಲಿಸಿದ್ದೇವೆ ಎಂದು ಮುಖಂಡರು ಕುಂಬಳೆಯಲ್ಲ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಮಂಗಲ್ಪಾಡಿ ಗ್ರಾಮ ಪಂಚಾಯತ್ ಆಡಳಿತ ಸಮಿತಿಯು  ಬೆಚ್ಚಿಬೀಳಿಸಿದ ದುರಂತದ ನೆಪದಲ್ಲಿ ವಸ್ತುಗಳನ್ನು ಸಂಗ್ರಹಿಸಿ ಕಳ್ಳತನ ಮಾಡುವ ಮೂಲಕ ಕೇರಳಕ್ಕೆ ನಾಚಿಕೆಗೇಡು ಮಾಡಿದೆ.
ಆರೋಪಿಗಳ ವಿರುದ್ಧ ತನಿಖಾ ಆಯೋಗ ಪ್ರಹಸನ ಮಾಡುವ ಮೂಲಕ ಘಟನೆಯನ್ನು ಗೌಣಗೊಳಿಸಲು  ಮುಸ್ಲಿಂ ಲೀಗ್ ನಾಯಕತ್ವ ಪ್ರಯತ್ನಿಸಬಾರದು.
ಮುಸ್ಲಿಂ ಲೀಗ್ ಸಂಪ್ರದಾಯದಂತೆ ಸಾಮಾನ್ಯ ಮತದಾರರಿಂದ ಆಯ್ಕೆಯಾಗಿ ಅಧಿಕಾರಕ್ಕೆ ಬಂದ ಜನಪ್ರತಿನಿಧಿಗಳು ಘೋರ ಅಪರಾಧ ಎಸಗಿದಾಗ ಅವರನ್ನು ರಕ್ಷಿಸುವ ನಿಲುವನ್ನು ನಾಯಕತ್ವ ವಹಿಸಬಾರದು.
ರಾಷ್ಟ್ರೀಯ ಹೆದ್ದಾರಿಯ ಅಭಿವೃದ್ಧಿಯಿಂದ ಮಂಜೇಶ್ವರ ಮಂಡಲದಲ್ಲಿ ಮಂಗಲ್ಪಾಡಿ ಅತ್ಯಂತ ಹೆಚ್ಚು ಜನರು ಬಳಲುತ್ತಿದ್ದಾರೆ.  ಮತ್ತೊಂದೆಡೆ ಸಾಮಾಜಿಕ ಜಾಲತಾಣಗಳಲ್ಲಿ ಕುಂಬಳೆ ಪಂಚಾಯಿತಿಯಲ್ಲಿ ನಡೆಯುತ್ತಿರುವ ದುರಾಡಳಿತದ ಬಗೆಗೂ ಹಲವು ಉಹಸವೋಹಗಳು ಹರಿದಾಡುತ್ತಿದೆ.
ಮುಸ್ಲಿಂ ಲೀಗ್ ನಾಯಕತ್ವವು ಇಲ್ಲಿ ಪ್ರಬಲ ನಿಲುವು ತಳೆಯಲು ಅಸಮರ್ಥವಾಗಿದ್ದು, ನಾಯಕತ್ವವು ಭ್ರಷ್ಟಾಚಾರದಲ್ಲಿ ತೊಡಗಿದೆ ಮತ್ತು ವಯನಾಡ್ ಪರಿಹಾರ ಶಿಬಿರದ ಆಹಾರ ಸಾಮಗ್ರಿಗಳ ಕಳ್ಳತನದ ಆರೋಪದಲ್ಲಿ ತಮ್ಮದೇ ಪಕ್ಷದ ಶ್ರೇಣಿಯಲ್ಲಿ ವ್ಯಾಪಕ ಆರೋಪಕ್ಕೆ ಕಾರಣವಾಗಿದೆ.

 ಪಕ್ಷವನ್ನು ನಂಬಿ ಪ್ರತಿನಿಧಿಗಳನ್ನಾಗಿ ಮಾಡಿಕೊಂಡಿರುವ ಜನತೆಗೆ ನ್ಯಾಯ ಕೊಡಿಸಲು ಪಕ್ಷ ಸನ್ನದ್ಧವಾಗಬೇಕು ಹಾಗೂ ಅಪರಾಧಿಗಳನ್ನು ರಕ್ಷಿಸುವ ಧೋರಣೆಯಿಂದ ಮುಸ್ಲಿಂ ಲೀಗ್ ನಾಯಕತ್ವ ಭಿನ್ನವಾಗಿ ಯೋಚಿಸಬೇಕು ಎಂದು ಪಿಡಿಪಿ ಮುಖಂಡರು ಆಗ್ರಹಿಸಿದರು.
ಪತ್ರಿಕಾಗೋಷ್ಠಿಯಲ್ಲಿ  ರಾಜ್ಯ ಕಾರ್ಯದರ್ಶಿ ಎಸ್.ಎಂ.ಬಶೀರ್ ಅಹ್ಮದ್ ಕುಂಜತ್ತೂರು, ಕ್ಷೇತ್ರದ ಅಧ್ಯಕ್ಷ ಇಬ್ರಾಹಿಂ ತೋಕೆ, ಕಾರ್ಯದರ್ಶಿ ಎಂ.ಎ.ಕಳತ್ತೂರು, ಪಿಟಿಯುಸಿ ರಾಜ್ಯ ಉಪಾಧ್ಯಕ್ಷ ಕೆ.ಪಿ.ಮುಹಮ್ಮದ್ ಉಪ್ಪಳ, ಪಿಡಿಪಿ ರಾಜ್ಯ ಪರಿಷತ್ ಸದಸ್ಯ ಮೂಸಾ  ಉಪಸ್ಥಿತರಿದ್ದರು.