ಪೆರಿಯ ಜೋಡಿ ಕೊಲೆ ಪ್ರಕರಣದ ಆರೋಪಿಗಳ ಮನೆಗೆ ಸಿಪಿಎಂ ಮುಖಂಡರ ಭೇಟಿ-ಬೆಂಬಲ ಪ್ರದರ್ಶನ!

ಕಾಸರಗೋಡು: ಪೆರಿಯ ಜೋಡಿ ಕೊಲೆ ಪ್ರಕರಣದ ಆರೋಪಿಗಳ ಮನೆಗೆ ಸಿಪಿಎಂ ಮುಖಂಡರು ಭೇಟಿ ನೀಡಿ ಒಗ್ಗಟ್ಟು ಪ್ರದರ್ಶಿಸಿದರು.

ಕಾಸರಗೋಡು ಜಿಲ್ಲಾ ಕಾರ್ಯದರ್ಶಿ ಎಂ.ವಿ.ಬಾಲಕೃಷ್ಣನ್, ಶಾಸಕರಾದ ಸಿ. ಎಚ್.ಕುಂಞಂಬು ಹಾಗೂ ಜಿಲ್ಲಾ ಸಮಿತಿ ಸದಸ್ಯ ಕೆ.ಕುಂಞÂ್ಞ ರಾಮನ್ ಆರೋಪಿಗಳ ಮನೆಗೆ ಭೇಟಿ ನೀಡಿದರು. 

ಆರೋಪಿಗಳು ಮತ್ತು ಪ್ರಕರಣದಲ್ಲಿ ಖುಲಾಸೆಗೊಂಡ ಆರೋಪಿಗಳ ಮನೆಗಳಿಗೆ ಮುಖಂಡರು ಸಂಪರ್ಕ ನಡೆಸಿದರು. 

ಇದೇ ವೇಳೆ ಪೆರಿಯ ಪ್ರಕರಣದಲ್ಲಿ ಆರೋಪಿಯಾಗಿ ತೀರ್ಪು ನೀಡಿರುವ ಮಾಜಿ ಶಾಸಕ ಕೆ.ವಿ.ಕುಂಞÂ್ಞ ರಾಮನ್ ಅವರನ್ನು ಕಣ್ಣೂರು ಜೈಲಿಗೆ ಕರೆತರಲಾಯಿತು. ಒಂಬತ್ತು ಆರೋಪಿಗಳನ್ನು ವಿಯ್ಯೂರು ಜೈಲಿನಿಂದ ಮತ್ತು ಐವರನ್ನು ಕಾಕನಾಡು ಜಿಲ್ಲಾ ಕಾರಾಗೃಹದಿಂದ ಕಣ್ಣೂರು ಜೈಲಿಗೆ ವರ್ಗಾಯಿಸಲಾಗಿದೆ. ಆರೋಪಿಗಳು ಸಲ್ಲಿಸಿದ್ದ ಮನವಿಯನ್ನು ಪರಿಗಣಿಸಿದ ಸಿಬಿಐ ನ್ಯಾಯಾಲಯದ ನಿರ್ದೇಶನದಂತೆ ಜೈಲು ಬದಲಾವಣೆ ಮಾಡಲಾಗಿದೆ.

ಆರೋಪಿಗಳನ್ನು ಕಣ್ಣೂರು ಕೇಂದ್ರ ಕಾರಾಗೃಹಕ್ಕೆ ಕರೆತಂದಾಗ ಕಾದು ಕುಳಿತಿದ್ದ ಸಿಪಿಎಂ ಕಾರ್ಯಕರ್ತರು ಘೋಷಣೆಗಳನ್ನು ಮೊಳಗಿಸಿ ಸ್ವಾಗತಿಸಿದರು. ಜೈಲು ಸಲಹಾ ಸಮಿತಿ ಸದಸ್ಯ ಹಾಗೂ ಸಿಪಿಎಂ ರಾಜ್ಯ ಸಮಿತಿ ಸದಸ್ಯ ಪಿ.ಜಯರಾಜನ್ ನೇತೃತ್ವದಲ್ಲಿ ಸ್ವಾಗತ ನಡೆಯಿತು.