ಛತ್ರಾಪುರ: ಮಧ್ಯಪ್ರದೇಶದಲ್ಲಿ ನಡೆದ 51ನೇ ಖಜುರಾಹೊ ನೃತ್ಯ ಉತ್ಸವದಲ್ಲಿ 139 ಕಲಾವಿದರು ನಿರಂತರ 24 ಗಂಟೆಗಳ ಕಾಲ ನೃತ್ಯ ಪ್ರದರ್ಶಿಸುವ ಮೂಲಕ ಗಿನ್ನಿಸ್ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
ನೃತ್ಯ ಮ್ಯಾರಥಾನ್ ಬುಧವಾರ ಮಧ್ಯಾಹ್ನ 2.34ರ ಹೊತ್ತಿಗೆ ಆರಂಭವಾಗಿ ಗುರುವಾರ ಮಧ್ಯಾಹ್ನ 2.43ಕ್ಕೆ ಅಂತ್ಯಗೊಂಡಿದೆ.
ನಿರಂತರವಾಗಿ 24 ಗಂಟೆ 9 ನಿಮಿಷ 26 ಸೆಕೆಂಡ್‌ಗಳ ಕಾಲ ಕಲಾವಿದರು ಪ್ರದರ್ಶನ ನೀಡಿದ್ದಾರೆ. ಕಾರ್ಯಕ್ರಮದ ಬಳಿಕ ಪ್ರದರ್ಶನವು ವಿಶ್ವ ದಾಖಲೆ ನಿರ್ಮಿಸಿದೆ ಎಂದು ಘೋಷಿಸಲಾಗಿದ್ದು, ಗಿನ್ನಿಸ್ ತಂಡ ಮುಖ್ಯಮಂತ್ರಿ ಮೋಹನ್‌ ಯಾದವ್‌ ಅವರಿಗೆ ಪ್ರಮಾಣಪತ್ರವನ್ನು ನೀಡಿದೆ. ಇದರ ವಿಡಿಯೊವನ್ನು ಮಧ್ಯಪ್ರದೇಶ ಸರ್ಕಾರ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದೆ.
ಈ ಕಾರ್ಯಕ್ರಮವನ್ನು ಮಧ್ಯಪ್ರದೇಶ ಸಾಂಸ್ಕೃತಿಕ ಇಲಾಖೆ ಆಯೋಜಿಸಿತ್ತು. ಕಥಕ್‌, ಭರತನಾಟ್ಯ, ಕುಚಿಪುಡಿ, ಮೋಹಿನಿಯಟ್ಟಂ ಮತ್ತು ಒಡಸ್ಸಿ ನೃತ್ಯವನ್ನು ಪ್ರದರ್ಶಿಸಲಾಗಿದೆ.
DOCTYPE html>
.jpg)
