7ನೇ ತರಗತಿಯಿಂದ ಹಂತ ಹಂತವಾಗಿ ಆಲ್-ಪಾಸ್ ವಿನಾಯಿತಿ ಜಾರಿಗೆ- ಕಲಿಕೆ ಗುಣಮಟ್ಟ ಕಾಪಿಡಲು ಹೊಸ ದೌತ್ಯ

ತಿರುವನಂತಪುರಂ: ಪ್ರೌಢಶಾಲೆಯ ಜೊತೆಗೆ, ಏಳನೇ ತರಗತಿಯಿಂದ ಹಂತ ಹಂತವಾಗಿ ಆಲ್-ಪಾಸ್ ವಿನಾಯಿತಿಯನ್ನು ಜಾರಿಗೆ ತರಲು ಶಿಕ್ಷಣ ಇಲಾಖೆ ಮುಂದಾಗಿದೆ.

ಮಕ್ಕಳಿಗೆ ಹೆಚ್ಚಿನ ಅಂಕಗಳನ್ನು ನೀಡುವ ಮೂಲಕ ಸಾಮೂಹಿಕವಾಗಿ ಉತ್ತೀರ್ಣರಾಗುವುದರ ವಿರುದ್ಧ ವ್ಯಾಪಕ ಟೀಕೆ ವ್ಯಕ್ತವಾದ ಕಾರಣ, ಆಲ್-ಪಾಸ್ ಅನ್ನು ನಿಲ್ಲಿಸುವ ನಿರ್ಧಾರ ತೆಗೆದುಕೊಳ್ಳಲಾಯಿತು.  ಈ ವರ್ಷ ಎಂಟನೇ ತರಗತಿಯಲ್ಲಿ, ಮುಂದಿನ ವರ್ಷ ಒಂಬತ್ತನೇ ತರಗತಿಯಲ್ಲಿ ಮತ್ತು ನಂತರ ಹತ್ತನೇ ತರಗತಿಯಲ್ಲಿ ಇದನ್ನು ಹಂತ ಹಂತವಾಗಿ ಜಾರಿಗೆ ತರಲಾಗುವುದು.
ಶಿಕ್ಷಣ ಗುಣಮಟ್ಟ ಕಾಪಿಟ್ಟು ಕಾರ್ಯರೂಪಕ್ಕೆ ತರುವುದು ಇದರ ಉದ್ದೇಶ.  ಇದನ್ನು ಎಂಟನೇ ತರಗತಿ ಮತ್ತು ಅದಕ್ಕಿಂತ ಕಡಿಮೆ ತರಗತಿಗಳಿಗೆ ವಿಸ್ತರಿಸಲು ಸಾಮಾನ್ಯ ಶಿಕ್ಷಣ ಇಲಾಖೆ ನಿರ್ಧರಿಸಿದೆ.  ಏಳನೇ ತರಗತಿಯಿಂದಲೇ ಲಿಖಿತ ಪರೀಕ್ಷೆಗೆ ಕನಿಷ್ಠ ಅಂಕಗಳನ್ನು ಕಡ್ಡಾಯಗೊಳಿಸುವ ಪ್ರಯತ್ನ ಇದಾಗಿದೆ.
ಲಿಖಿತ ಪರೀಕ್ಷೆಗೆ ಒಟ್ಟು ಅಂಕಗಳಲ್ಲಿ ಶೇಕಡಾ 30 ರಷ್ಟು ಉತ್ತೀರ್ಣರಾಗುವುದು ಕಡ್ಡಾಯವಾಗಿದೆ.  ಆದರೆ ಕನಿಷ್ಠ ಅಂಕಗಳನ್ನು ಪಡೆಯದಿದ್ದರೆ ವಿದ್ಯಾರ್ಥಿ ನಪಾಸಾಗಲಾರ.  ಅವರನ್ನು ತೀವ್ರ ತರಬೇತಿ ನೀಡಿ ಅದೇ ಶೈಕ್ಷಣಿಕ ವರ್ಷದಲ್ಲಿ ಹೊಸ ಪರೀಕ್ಷೆಯನ್ನು ನಡೆಸಲು ಅವಕಾಶವನ್ನು ನೀಡಲಾಗುತ್ದೆ.  3 ರಿಂದ 9 ನೇ ತರಗತಿಗಳಲ್ಲಿ ಗಣಿತ, ವಿಜ್ಞಾನ, ಭಾಷೆ ಮತ್ತು ಸಮಾಜ ವಿಜ್ಞಾನ ವಿಷಯಗಳಲ್ಲಿ ಗುಣಮಟ್ಟವನ್ನು ಖಚಿತಪಡಿಸಿಕೊಳ್ಳಲು ವಿಶೇಷ ಪರೀಕ್ಷೆಗಳನ್ನು ನಡೆಸಲಾಗುವುದು.  ಕಡಿಮೆ ಅಂಕಗಳನ್ನು ಪಡೆದವರಿಗೆ ವಾರ್ಷಿಕ ಪರೀಕ್ಷೆಗೂ ಮುನ್ನ ವಿಶೇಷ ತರಬೇತಿ ನೀಡಲಾಗುವುದು.