ಒಂದೇ ಶೈಲಿಯಲ್ಲಿ ಸರಣಿ ಕೊಲೆಗಳು: ಮುಂದುವರಿದ ನಿಗೂಢತೆ, ಶಂಕಿತನ ಪ್ರಯಾಣ ಮಾರ್ಗ ಪತ್ತೆಯತ್ತ ತನಿಖಾ ತಂಡ, ಇಂದು ಐವರ ಮರಣೋತ್ತರ ಪರೀಕ್ಷೆ

ತಿರುವನಂತಪುರಂ: ಗೆಳತಿ ಮತ್ತು ಸ್ವಂತ ಕಿರಿಯ ಸಹೋದರ ಸೇರಿದಂತೆ ಐದು ಜನರನ್ನು ಕೊಂದ ಆರೋಪಿಯ ಹೇಳಿಕೆಯನ್ನು ಮ್ಯಾಜಿಸ್ಟ್ರೇಟ್ ದಾಖಲಿಸಿಕೊಂಡಿದ್ದಾರೆ. 

ತಿರುವನಂತಪುರಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ತಲುಪಿದ ನಂತರ ಮ್ಯಾಜಿಸ್ಟ್ರೇಟ್ ವೆಂಜರಮೂಡು ಪೆರುಮಾಳ ಸಲ್ಮಾಸಿಲ್ ಆಸ್ಪತ್ರೆಯಲ್ಲಿ ಅಫಾನ್ ಹೇಳಿಕೆಯನ್ನು ದಾಖಲಿಸಿಕೊಂಡರು.  ಹತ್ಯಾಕಾಂಡದ ನಂತರ ತಾನು ವಿಷ ಸೇವಿಸಿದ್ದಾಗಿ ಪೊಲೀಸರಿಗೆ ಬಹಿರಂಗಪಡಿಸಿದ್ದ.  ಇದರೊಂದಿಗೆ, ಆರೋಪಿಯನ್ನು ತಿರುವನಂತಪುರಂ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿತ್ತು.

ಏತನ್ಮಧ್ಯೆ, 23 ವರ್ಷದಅಫಾನ್ ಮಾಡಿದ ಸರಣಿ ಹತ್ಯಾಕಾಂಡ ಭೀಭತ್ಸತೆ ಸೃಷ್ಟಿಸಿದೆ.  ತಲೆಗೆ ಪೆಟ್ಟು ಬಿದ್ದು ಐವರೂ ಸಾವನ್ನಪ್ಪಿದ್ದಾರೆ.  ಸುತ್ತಿಗೆಯನ್ನು ಬಳಸಿ ಸರಣಿ ಕೊಲೆಗಳನ್ನು ನಡೆಸಲಾಯಿತು.  ಅಫಾನ್ ತನ್ನ 13 ವರ್ಷದ ಕಿರಿಯ ಸಹೋದರ ಸಹಿತ ಬಂಧುಗಳನ್ನು ಅತಿ ಅಮಾನುಷ ರೀತಿ ಹತ್ಯೆಗ್ಯೆದಿದ್ದಾನೆ.  ಅಫಾನ್‌ನ ನಾಲ್ವರು ಸಂಬಂಧಿಕರು ಮತ್ತು ಅವನ ಗೆಳತಿ ಹತ್ಯಾಕಾಂಡಕ್ಕೆ ಬಲಿಯಾದರು.
ಅಫಾನ್ ದಾಳಿಯಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಅವರ ತಾಯಿ ಶೆಮಿ ಇನ್ನೂ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಆರ್ಥಿಕ ಬಾಧ್ಯತೆಗಳು ಈ ಕ್ರೌರ್ಯಕ್ಕೆ ಕಾರಣ ಎಂದು ಆತ ಹೇಳುತ್ತಿದ್ದರೂ ನಂಬಲು ಪೋಲೀಸರು ಇನ್ನೂ ಆಲೋಚಿಸುತ್ತಿದ್ದಾರೆ.  ವಿದೇಶದಲ್ಲಿ ಬಿಡಿಭಾಗಗಳ ವ್ಯವಹಾರ ಕುಸಿದ ನಂತರ ಉಂಟಾದ ಭಾರಿ ಆರ್ಥಿಕ ಹೊರೆಯಿಂದಾಗಿ ಈ ಸಾಮೂಹಿಕ ಹತ್ಯೆಗಳು ಸಂಭವಿಸಿವೆ ಎಂದು ಹೇಳಲಾಗುತ್ತಿದೆ.  ಆರೋಪಿಯು ಪೊಲೀಸರಿಗೆ ಹೇಳಿಕೆ ನೀಡಿದ್ದು, ಸ್ತ್ಥಳೀಯರು ಸೇರಿದಂತೆ ಹಲವು ಜನರಿಂದ ದೊಡ್ಡ ಮೊತ್ತದ ಸಾಲ ಪಡೆದಿದ್ದ.
ಸಾಲದ ಹೊರೆಯಿಂದ ಬದುಕಲು ಸಾಧ್ಯವಿಲ್ಲ ಎಂದು ಅವನಿಗೆ ಅನಿಸಿದಾಗ, ಅವನು ಎಲ್ಲರನ್ನೂ ಕೊಂದು ತನ್ನ ಜೀವನವನ್ನು ಕೊನೆಗೊಳಿಸಲು ನಿರ್ಧರಿಸಿದನು.  ತಾನು ಸತ್ತರೆ ಗೆಳತಿ ಒಂಟಿಯಾಗುತ್ತಾಳೆ ಎಂದು ಭಾವಿಸಿ ಮನೆಯಿಂದ ಗೆಳತಿಗೆ ಕರೆ ಮಾಡಿ
ಆಕೆಯನ್ನು ಮನೆಗೆ ಕರೆತಂದು ಕಡಿದು ಕೊಂದಿದ್ದಾಗಿ ಆರೋಪಿ ಪೊಲೀಸರಿಗೆ ತಿಳಿಸಿದ್ದ.  ಆದರೆ, ಪೊಲೀಸರು ಇದನ್ನು ಸಂಪೂರ್ಣವಾಗಿ ನಂಬಿಲ್ಲ.

3 ಮನೆಗಳಲ್ಲಿ 6 ಜನರನ್ನು ಕೊಂದಿದ್ದೇನೆ ಎಂದು ಯುವಕ ಸಾಕ್ಷ್ಯ ನುಡಿದಿದ್ದಾನೆ.  ತಾಯಿಯ ಮೇಲಿನ ದಾಳಿಯೊಂದಿಗೆ ಈ ಕ್ರೂರ ಕೃತ್ಯ ಪ್ರಾರಂಭವಾಯಿತು.  ಅವನು ತನ್ನ ತಾಯಿಯ ಕುತ್ತಿಗೆಗೆ ಶಾಲನ್ನು ಸುತ್ತಿ ನೆಲಕ್ಕೆ ಎಸೆದನು.  ಪ್ರಜ್ಞೆ ತಪ್ಪಿದ ತನ್ನ ತಾಯಿಯನ್ನು ಕೋಣೆಗೆ ಕೆಡವಿದ ನಂತರ, ಆರೋಪಿಯು ಪಾಂಗೋಡ್‌ನಲ್ಲಿರುವ ತನ್ನ ತಂದೆಯ ತಾಯಿ (ಅಜ್ಜಿ) ಮನೆಗೆ ಹೋದನು.  ಆಭರಣದ ವಿಚಾರವಾಗಿ ನಡೆದ ಜಗಳದಲ್ಲಿ ಸಲ್ಮಾ ಬೀವಿಯವರ ತಲೆಗೆ ಸುತ್ತಿಗೆಯಿಂದ ಹೊಡೆದು ಕೊಲೆ ಮಾಡಲಾಗಿದೆ.  ನಂತರ, ಅವನ ತಂದೆಯ ಸಹೋದರ ಮತ್ತು ಅವರ ಪತ್ನಿಯನ್ನು ಕೊಲ್ಲಲಾಯಿತು.  ನಂತರ ಅವನು ತನ್ನ ಗೆಳತಿ ಫರ್ಸಾನಾ ಮತ್ತು ತನ್ನ ಸಹೋದರನ ಜೀವಗಳನ್ನು ಬಲಿ ತೆಗೆದುಕೊಂಡನು. ಇಂದು ಮೃತ ಐವರ ಮರಣೋತ್ತರ ಪರೀಕ್ಷೆ