ನಾಳೆ ತೆರೆಯಲಿರುವ ಶಬರಿಮಲೆ ದೇವಸ್ಥಾನ: ವಾರ್ಷಿಕೋತ್ಸವ ಏಪ್ರಿಲ್ 2 ರಿಂದ

ಶಬರಿಮಲೆ: ಕಾನನವಾಸ ಶಬರೀಶ ಉತ್ಸವಕ್ಕೆ ಏಪ್ರಿಲ್ 2 ರಂದು ಧ್ವಜಾರೋಹಣ ನಡೆಯಲಿದೆ. ಬುಧವಾರ ಬೆಳಿಗ್ಗೆ 9.45 ರಿಂದ 10.45 ರವರೆಗೆ ತಂತ್ರಿ ಕಂಠಾರರ್ ರಾಜೀವ ಮತ್ತು ಕಂಠಾರರ್ ಬ್ರಹ್ಮದತ್ತ ಅವರ ಮಾರ್ಗದರ್ಶನದಲ್ಲಿ ಧ್ವಜಾರೋಹಣ ನಡೆಯಲಿದೆ.

ಶಬರಿಮಲೆ ಶ್ರೀ ಧರ್ಮಶಾಸ್ತ ದೇವಸ್ಥಾನವು ಹಬ್ಬ ಮತ್ತು ವಿಷು ಪೂಜೆಗಳಿಗಾಗಿ ನಾಳೆ(ಮಂಗಳವಾರ) ಸಂಜೆ 5 ಗಂಟೆಗೆ ತೆರೆಯುತ್ತದೆ. ಏಪ್ರಿಲ್‍ನಲ್ಲಿ ವಿಷು ಆಚರಣೆಗಳು ಆರಂಭವಾಗುವುದರಿಂದ, ಹಬ್ಬ ಮುಗಿದ ನಂತರ ದೇವಾಲಯವು 18 ದಿನಗಳವರೆಗೆ ತೆರೆದಿರುತ್ತದೆ.

ಈ ವರ್ಷದ ವಾರ್ಷಿಕ ಉತ್ಸವ ಏಪ್ರಿಲ್ 3 ರಂದು ಆರಂಭವಾಗಲಿದೆ. 10 ರಂದು ರಾತ್ರಿ 9 ಗಂಟೆಗೆ ಮೆರವಣಿಗೆ ನಡೆಯಲಿದೆ.ಏ. 11 ರಂದು ಬೆಳಿಗ್ಗೆ ಮೆರವಣಿಗೆ ದೇಗುಲಕ್ಕೆ ಹಿಂತಿರುಗಿ ಪೂಜೆಗಳು ನಡೆಯಲಿವೆ. ಬೆಳಿಗ್ಗೆ 9 ಕ್ಕೆ ಪಂಪಾ ಮೆರವಣಿಗೆ ಆರಂಭವಾಗಲಿದೆ. 

ಬಳಿಕ, ಪಂಪಾ ಗಣಪತಿ ದೇವಸ್ಥಾನದಲ್ಲಿ ಅಯ್ಯಪ್ಪ ಸ್ವಾಮಿಯನ್ನು ಪೂಜಿಸಿದ ನಂತರ, ಸಂಜೆ 4 ಕ್ಕೆ  ಸನ್ನಿಧಾನಕ್ಕೆ ಹಿಂತಿರುಗುತ್ತದೆ. ಆರಾಟ್ಟು ಮೆರವಣಿಗೆ ಪವಿತ್ರ ದೇಗುಲಕ್ಕೆ ಮರಳಿದ ಬಳಿಕ ಉತ್ಸವ ನೆರವೇರಲಿದೆ. ರಾತ್ರಿ 10 ಕ್ಕೆ ದೇವಸ್ಥಾನ ಬಾಗಿಲು ಮುಚ್ಚಲಿದೆ.

ವಿಷು ಆಚರಣೆ ಮತ್ತು ಮೇಷಮಾಸ ಪೂಜೆಗಾಗಿ ದೇವಾಲಯವು 12 ರಂದು ತೆರೆಯುತ್ತದೆ. 14 ರಂದು ಬೆಳಗಿನ ಜಾವ 3 ಗಂಟೆಗೆ ವಿಷು ಕಣಿ ದರ್ಶನ ನಡೆದು  18 ರಂದು ರಾತ್ರಿ 10 ಕ್ಕೆ  ದೇವಾಲಯ ಗರ್ಭಗೃಹ ಮುಚ್ಚಲಿದೆ.