ಮಿಯಾಮಿ: ಕ್ಯೂಬಾ, ಹೈಟಿ, ನಿಕಾರಗುವಾ ಹಾಗೂ ವೆನಿಜುವೆಲಾದ ಲಕ್ಷಾಂತರ ನಾಗರಿಕರಿಗಿದ್ದ ಕಾನೂನು ರಕ್ಷಣೆಯನ್ನು ಡೊನಾಲ್ಡ್ ಟ್ರಂಪ್ ಆಡಳಿತ ತೆಗೆದುಹಾಕಿದ್ದು, ಒಂದು ತಿಂಗಳಿನಲ್ಲಿ ಅವರನ್ನು ಗಡೀಪಾರು ಮಾಡಲಾಗುವುದು ಎಂದು ಅಮೆರಿಕದ ಆಂತರಿಕ ಭದ್ರತಾ ಇಲಾಖೆ ಹೇಳಿದೆ.
ಆದೇಶವು 2022ರ ಅಕ್ಟೋಬರ್ ಬಳಿಕ ಅಮೆರಿಕಕ್ಕೆ ಬಂದ ಈ ನಾಲ್ಕು ದೇಶಗಳ ಸುಮಾರು 5,32,000 ನಾಗರಿಕರಿಗೆ ಅನ್ವಯವಾಗಲಿದೆ. ಆರ್ಥಿಕ ಪ್ರಾಯೋಜಕರರೊಂದಿಗೆ ಅಮೆರಿಕಕ್ಕೆ ಬಂದಿರುವ ಇವರು ಎರಡು ವರ್ಷ ಅಮೆರಿಕದಲ್ಲಿ ಉಳಿಯಲು ಹಾಗೂ ಕೆಲಸ ಮಾಡಲು ಅರ್ಹರು ಎಂದು ಆಂತರಿಕ ಭದ್ರತಾ ಇಲಾಖೆಯ ಕಾರ್ಯದರ್ಶಿ ಕ್ರಿಸ್ಟಿ ನೊಯೆಮ್ ಹೇಳಿದ್ದಾರೆ.
ಇವರು ಏಪ್ರಿಲ್ 24ರಂದು ಅಥವಾ ಅಧಿಸೂಚನೆ ಹೊರಬಿದ್ದ 30 ದಿನಗಳಲ್ಲಿ ಅಮೆರಿಕದಲ್ಲಿ ಉಳಿಯಲು ಮಾನ್ಯತೆ ಕಳೆದುಕೊಳ್ಳಲಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಈ ಹೊಸ ನಿರ್ಧಾರ ಮಾನವೀಯ ಪೆರೊಲ್ ಅಮೆರಿಕಕ್ಕೆ ಬಂದವರ ಮೇಲೆ ಹಾಗೂ ಈಗಾಗಲೇ ಅಮೆರಿಕದಲ್ಲಿ ಇರುವವರ ಪರಿಣಾಮ ಬೀರಲಿದೆ.
ಹೊಸ ಆದೇಶದ ಮೊದಲು, ಮಾನವವೀಯ ಆಧಾರದಲ್ಲಿ ಅಮೆರಿಕಕ್ಕೆ ಬಂದವರು ತಮ್ಮ ಪೆರೊಲ್ ಅವಧಿ ಮುಗಿಯುವವರೆಗೆ ಉಳಿಯಬಹುದಿತ್ತು. ಆದಾಗ್ಯೂ ಆಡಳಿತವು ಆಶ್ರಯ, ವೀಸಾಗಳು ಮತ್ತು ಇತರ ವಿನಂತಿಗಳಿಗಾಗಿ ಅವರ ಅರ್ಜಿಗಳನ್ನು ಪ್ರಕ್ರಿಯೆಗೊಳಿಸುವುದನ್ನು ನಿಲ್ಲಿಸಿತ್ತು.
ಟ್ರಂಪ್ ಆಡಳಿತದ ಈ ನಿರ್ಧಾರವನ್ನು ಪ್ರಶ್ನಿಸಿ ಫೆಡರಲ್ ನ್ಯಾಯಾಲಯಗಳಲ್ಲಿ ಅರ್ಜಿ ಸಲ್ಲಿಸಲಾಗಿದೆ.
ಮಾನವೀಯ ಪೆರೊಲ್ ಅನ್ನು ಕೊನೆಗೊಳಿಸಿದ್ದಕ್ಕಾಗಿ ಟ್ರಂಪ್ ಆಡಳಿತದ ವಿರುದ್ಧ ಅಮೆರಿಕದ ನಾಗರಿಕರು ಮತ್ತು ವಲಸಿಗರ ಗುಂಪೊಂದು ಮೊಕದ್ದಮೆ ಹೂಡಿದೆ.
DOCTYPE html>
.jpg)
.jpg)
