ಪತ್ತನಂತಿಟ್ಟ: ಪ್ರಧಾನಿ ನರೇಂದ್ರ ಮೋದಿಯವರ ನಿಲುವು ಸರಿಯಾಗಿದೆ ಎಂದು ಗುರುತಿಸಿ ಅವರನ್ನು ಹೊಗಳಿದ ಕಾಂಗ್ರೆಸ್ ನಾಯಕ ಶಶಿ ತರೂರ್ ಅವರನ್ನು ಕೇಂದ್ರ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಅಭಿನಂದಿಸಿದ್ದಾರೆ.
ಶಬರಿಮಲೆ ದರ್ಶನಕ್ಕೆ ಆಗಮಿಸಿದ್ದ ಕೇಂದ್ರ ಸಚಿವರು, ಪತ್ತನಂತಿಟ್ಟದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ತರೂರ್ ಅವರನ್ನು ಅಭಿನಂದಿಸಿದರು.
ತರೂರ್ ಅವರದು ಕೇವಲ ಆರಂಭ. ಅವರ ಧೈರ್ಯವೂ ಶ್ಲಾಘನೀಯ. ಕಾಂಗ್ರೆಸ್ ನ ಎಲ್ಲಾ ನಾಯಕರು ಶೀಘ್ರದಲ್ಲೇ ಮೋದಿಯನ್ನು ಹೊಗಳುತ್ತಾರೆ ಎಂದು ಶೇಖಾವತ್ ಹೇಳಿದರು. ಬಳಿಕ ರಾಹುಲ್ ಗಾಂಧಿ ನಗರ ನಕ್ಸಲಿಸಂನ ಧ್ವಜದೊಂದಿಗೆ ಏಕಾಂಗಿಯಾಗಿ ನಿಲ್ಲಬೇಕಾಗುತ್ತದೆ ಎಂದರು.
ಶಶಿ ತರೂರ್ ಅವರ ನರೇಂದ್ರ ಮೋದಿ ಅವರ ಹೊಗಳಿಕೆ ರಾಹುಲ್ ಗಾಂಧಿಯವರಿಗೆ ಹೊಡೆದಂತೆ ಎಂದು ಕೇಂದ್ರ ಸಚಿವರ ಜೊತೆಗಿದ್ದ ಬಿಜೆಪಿ ರಾಜ್ಯಾಧ್ಯಕ್ಷ ಕೆ. ಸುರೇಂದ್ರನ್ ಹೇಳಿದರು. ರಾಹುಲ್ ವಿದೇಶ ಪ್ರವಾಸ ಕೈಗೊಂಡು ಭಾರತವನ್ನು ಅವಮಾನಿಸಿದಾಗ ಶಶಿ ತರೂರ್ ಸತ್ಯವನ್ನೇ ಹೇಳಿದ್ದರು ಎಂದು ಸುರೇಂದ್ರನ್ ಗಮನಸೆಳೆದರು.
ತರೂರ್ ಕಾಂಗ್ರೆಸ್‍ನಲ್ಲಿ ಮುಂದುವರಿಯುತ್ತಾರೋ ಇಲ್ಲವೋ ಎಂಬುದನ್ನು ಕಾದು ನೋಡಬೇಕಾಗಿದೆ. ತರೂರ್ ಬಿಜೆಪಿ ಸೇರುತ್ತಾರೆಯೇ ಎಂಬುದು ಚರ್ಚೆಯ ವಿಷಯವಲ್ಲ ಎಂದು ಸುರೇಂದ್ರನ್ ಹೇಳಿದರು.
DOCTYPE html>
.jpg)
