ಕಣ್ಣೂರಿನಲ್ಲಿ ಅನ್ಯ ರಾಜ್ಯಗಳ ಕಾರ್ಮಿಕರ ನಡುವೆ ವಿವಾದ; ಬಂಗಾಳ ಮೂಲದ ವ್ಯಕ್ತಿಯೊಬ್ಬನನ್ನು ಕೊಚ್ಚಿ ಕೊಲೆ

ಕಣ್ಣೂರು: ಮೊರಾಜ ಕೂಲಿಚಲ್‍ನಲ್ಲಿ ಹೊರ ರಾಜ್ಯಗಳ ಕಾರ್ಮಿಕರ ನಡುವಿನ ವಿವಾದ ಬಂಗಾಳಿ ಮೂಲದ ವ್ಯಕ್ತಿಯೊಬ್ಬನನ್ನು ಕಡಿದು ಕೊಲೆಗೈಯ್ಯುವಲ್ಲಿ ಪರ್ಯವಸಾನಗೊಂಡಿದೆ. 

ಆಂತೂರು ನಗರಸಭೆಯ ಮೊರಾಜ ಕೂಲಿಚಲ್‍ನಲ್ಲಿ ಈ ಘಟನೆ ನಡೆದಿದೆ. ಮೃತ ವ್ಯಕ್ತಿಯನ್ನು ದಾಲಿಂಗ್ ಖಾನ್ ಇಸ್ಮಾಯಿಲ್ (36) ಎಂದು ಗುರುತಿಸಲಾಗಿದೆ. ಆರೋಪಿ ಬಂಗಾಳ ಮೂಲದ ಸುಜಯ್ ಕುಮಾರ್ ದೇ (23) ಎಂಬಾತನನ್ನು ವಲಪಟ್ಟಣಂ ಪೋಲೀಸರು ವಶಕ್ಕೆ ಪಡೆದಿದ್ದಾರೆ.

ಭಾನುವಾರ ರಾತ್ರಿ 8 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಇಬ್ಬರು ಕಾಂಕ್ರೀಟ್ ಕಾರ್ಮಿಕರ ನಡುವಿನ ಮಾತಿನ ಚಕಮಕಿ ಕೊಲೆಗೆ ಕಾರಣವಾಯಿತು. ಪೋಲೀಸರು ಹೇಳುವಂತೆ ಅವರಿಬ್ಬರ ನಡುವೆ ಹಲವು ದಿನಗಳಿಂದ ಜಗಳ ನಡೆಯುತ್ತಿತ್ತು. ಭಾನುವಾರ ಇಬ್ಬರ ನಡುವೆ ಮತ್ತೊಂದು ಜಗಳ ನಡೆದಿತ್ತು. ನಂತರ ಇಸ್ಮಾಯಿಲ್ ನನ್ನು ಕಾರ್ಮಿಕರು ವಾಸಿಸುತ್ತಿದ್ದ ಕಟ್ಟಡದ ಟೆರೇಸ್ ಗೆ ಕರೆದೊಯ್ದು ಮಚ್ಚಿನಿಂದ ಹಲವಾರು ಬಾರಿ ಇರಿದು ಕೊಲ್ಲಲಾಯಿತು.

ಇಸ್ಮಾಯಿಲ್ ನ ಸಹೋದರ ಕೂಡ ಅವರೊಂದಿಗೆ ವಾಸಿಸುತ್ತಿದ್ದಾರೆ. ಇಸ್ಮಾಯಿಲ್ ಕಾಣೆಯಾದಾಗ, ಅವನ ಸಹೋದರ ಅವನನ್ನು ಹುಡುಕಿದಾಗ ಅವನು ರಕ್ತದ ಮಡುವಿನಲ್ಲಿ ಟೆರೇಸ್ ಮೇಲೆ ಬಿದ್ದಿರುವುದನ್ನು ಕಂಡುಬಂತು. ಸುಜಯ್ ಕುಮಾರ್ ಆಟೋರಿಕ್ಷಾದಲ್ಲಿ ಸ್ಥಳ ತೊರೆಯಲು  ಪ್ರಯತ್ನಿಸಿದಾಗ, ಆಟೋ ಚಾಲಕ ಕೆ.ವಿ. ಮನೋಜ್ ತಂತ್ರದಿಂದ ವಲಪಟ್ಟಣಂ ಪೋಲೀಸ್ ಠಾಣೆಗೆ ಕರೆದೊಯ್ದರು. ವಲಪಟ್ಟಣಂ ಪೋಲೀಸರು ಸುಜೋಯ್ ಕುಮಾರ್ ನನ್ನು ತಳಿಪರಂಬ ಪೋಲೀಸರಿಗೆ ಹಸ್ತಾಂತರಿಸಿದರು. ಶವವನ್ನು ಕಣ್ಣೂರು ಸರ್ಕಾರಿ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ವರ್ಗಾಯಿಸಲಾಗಿದೆ.

ಮೊರಾಜಾದಲ್ಲಿ ನಿರ್ಮಾಣ ಗುತ್ತಿಗೆದಾರ ಕಟ್ಟಂಬಳ್ಳಿ ರಾಮಚಂದ್ರನ್ ಅವರ ಆರೈಕೆಯಲ್ಲಿ ಸುಮಾರು ಹತ್ತು ವಲಸೆ ಕಾರ್ಮಿಕರು ಕೂಲಿಚಲ್‍ನಲ್ಲಿ ವಾಸಿಸುತ್ತಿದ್ದಾರೆ. ಇಸ್ಮಾಯಿಲ್ 15 ವರ್ಷಗಳಿಗೂ ಹೆಚ್ಚು ಕಾಲ ಗುತ್ತಿಗೆದಾರರ ಅಡಿಯಲ್ಲಿ ಕಾಂಕ್ರೀಟ್ ಮೇಸನ್ ಆಗಿದ್ದ.