ಸಿನಿಮಾವನ್ನು ಇತಿಹಾಸವೆಂದು ನೋಡಬಾರದು: ಯಾವುದೇ ಚಿತ್ರದಲ್ಲಿ ವಿರೂಪಗಳಿದ್ದರೆ ಜನರು ತಿರಸ್ಕರಿಸುತ್ತಾರೆ: ರಾಜೀವ್ ಚಂದ್ರಶೇಖರ್

ತಿರುವನಂತಪುರಂ: ಸಿನಿಮಾಗಳನ್ನು ಇತಿಹಾಸದಂತೆ ನೋಡಬಾರದು ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ರಾಜೀವ್ ಚಂದ್ರಶೇಖರ್ ಹೇಳಿದ್ದಾರೆ. ಯಾವುದೇ ಸಿನಿಮಾದಲ್ಲಿ ತಿರುಚುವಿಕೆಗಳಿದ್ದರೆ ಜನರು ಅದನ್ನು ತಿರಸ್ಕರಿಸುತ್ತಾರೆ.

ಮೋಹನ್ ಲಾಲ್ ಅಭಿಮಾನಿಗಳು ಮತ್ತು ಇತರ ಪ್ರೇಕ್ಷಕರನ್ನು ಅಸಮಾಧಾನಗೊಳಿಸುವ ಸಮಸ್ಯೆಗಳು ಚಿತ್ರದಲ್ಲಿವೆ ಎಂದು ತಿಳಿದುಬಂದಿದೆ. ಆದ್ದರಿಂದ, ರಾಜೀವ್ ಚಂದ್ರಶೇಖರ್ ಅವರು ಲೂಸಿಫರ್ ನ ಮುಂದುವರಿದ ಭಾಗ ನೋಡುವುದಿಲ್ಲ ಎಂದು ಹೇಳಿರುವರು.

ಅವರು ಮೋಹನ್ ಲಾಲ್ ಅವರ ಅಭಿಮಾನಿ ಎಂದು ಹೇಳಿದರು, ಆದರೆ ಈ ರೀತಿಯ ಚಲನಚಿತ್ರ ನಿರ್ಮಾಣದಿಂದ ಅವರಿಗೆ ನಿರಾಶೆಯಾಗಿದೆ. ಚಿತ್ರದಲ್ಲಿ ಬಿಜೆಪಿ ತಿದ್ದುಪಡಿಗಳನ್ನು ಕೇಳಿಲ್ಲ ಎಂದು ಅವರು ಹೇಳಿದರು. ಎಂಬುರಾನ್ ನ್ನು ನೋಡದಿರಲು ನಿರ್ಧರಿಸಿದ್ದೇನೆ ಎಂದು ರಾಜೀವ್ ಚಂದ್ರಶೇಖರ್ ನಿನ್ನೆ ಬೆಳಿಗ್ಗೆ ಫೇಸ್‍ಬುಕ್ ಪೋಸ್ಟ್‍ನಲ್ಲಿ ಸ್ಪಷ್ಟಪಡಿಸಿದ್ದರು.

ಫೇಸ್‍ಬುಕ್ ಪೋಸ್ಟ್:

ನಾನು ಲೂಸಿಫರ್ ನೋಡಿದ್ದೆ ಮತ್ತು ನನಗೆ ಅದು ಇಷ್ಟವಾಯಿತು. ಎಂಬುರಾನ್ ಲೂಸಿಫರ್ ನ ಮುಂದುವರಿದ ಭಾಗ ಎಂದು ಕೇಳಿದಾಗ, ಅದರ ವೀಕ್ಷಣೆ ಕುತೂಹಲಕಾರಿಯಾಗಿರುತ್ತದೆ ಎಂದು ನಾನು ಗ್ರಹಿಸಿದ್ದೆ. ಆದರೆ ಈಗ ನನಗೆ ತಿಳಿದು ಬಂದಿರುವುದೇನೆಂದರೆ, ಚಿತ್ರದ ನಿರ್ಮಾಪಕರೇ ಚಿತ್ರಕ್ಕೆ 17 ತಿದ್ದುಪಡಿಗಳನ್ನು ಮಾಡಿದ್ದಾರೆ ಮತ್ತು ಚಿತ್ರವು ಮತ್ತೆ ಸೆನ್ಸಾರ್‍ಶಿಪ್‍ಗೆ ಒಳಗಾಗುತ್ತಿದೆ. ಮೋಹನ್ ಲಾಲ್ ಅಭಿಮಾನಿಗಳು ಮತ್ತು ಇತರ ಪ್ರೇಕ್ಷಕರನ್ನು ಅಸಮಾಧಾನಗೊಳಿಸುವ ಕೆಲವು ಸಮಸ್ಯೆಗಳು ಚಿತ್ರದಲ್ಲಿವೆ ಎಂದು ನನಗೆ ತಿಳಿದುಬಂದಿದೆ.

ಸಿನಿಮಾವನ್ನು ಸಿನಿಮಾದಂತೆ ನೋಡಬೇಕು. ಇದನ್ನು ಇತಿಹಾಸ ಎಂದು ನೋಡಲು ಸಾಧ್ಯವಿಲ್ಲ. ಸತ್ಯವನ್ನು ತಿರುಚುವ ಮೂಲಕ ಕಥೆಯನ್ನು ನಿರ್ಮಿಸಲು ಪ್ರಯತ್ನಿಸುವ ಯಾವುದೇ ಚಲನಚಿತ್ರವು ವಿಫಲಗೊಳ್ಳುತ್ತದೆ. ಹಾಗಾದರೆ, ನಾನು ಲೂಸಿಫರ್‍ನ ಈ ಮುಂದುವರಿದ ಭಾಗವನ್ನು ನೋಡುತ್ತೇನೆಯೇ? - ಇಲ್ಲ. ಈ ರೀತಿಯ ಚಲನಚಿತ್ರ ನಿರ್ಮಾಣದಿಂದ ನಾನು ನಿರಾಶೆಗೊಂಡಿದ್ದೇನೆಯೇ? - ಹೌದು. ಎಂದವರು ಬರೆದುಕೊಂಡಿದ್ದಾರೆ.