ಕೀರಿಕ್ಕಾಡಲ್ಲಿ ಮಹಿಳಾ ತಂಡದ ತಾಳಮದ್ದಳೆ

ಮುಳ್ಳೇರಿಯ: ದೇಲಂಪಾಡಿ ಬನಾರಿ ಶ್ರೀಗೋಪಾಲಕೃಷ್ಣ ಯಕ್ಷಗಾನ ಕಲಾಮಂದಿರದ ಕೀರಿಕ್ಕಾಡು ಸ್ಮಾರಕ ಸಭಾ ಭವನದಲ್ಲಿ ಹಿರಿಯ ಭಾಗವತ ವಿಶ್ವವಿನೋದ ಬನಾರಿ ಅವರ ಮಾರ್ಗದರ್ಶನದಲ್ಲಿ ನಾರಾಯಣ ದೇಲಂಪಾಡಿ ಅವರ ಅರ್ಥಸಾಹಿತ್ಯವನ್ನೊಳಗೊಂಡ ಮಾರಣಾಧ್ವರ ಯಕ್ಷಗಾನ ತಾಳಮದ್ದಳೆ ಎಂ. ರಮಾನಂದ ರೈ ದೇಲಂಪಾಡಿ ಅವರ ನಿರ್ದೇಶನದಲ್ಲಿ ರಾಮನಾಯ್ಕ ದೇಲಂಪಾಡಿ ಅವರ ಸಹಕಾರದೊಂದಿಗೆ ಹಿರಿಯ ಮಹಿಳಾ ಸದಸ್ಯರರಿಂದ ಶನಿವಾರ ಪ್ರಸ್ತುತಗೊಂಡಿತು.

ಭಾಗವತಿಕೆಯಲ್ಲಿ ನಿತೀಶ್ ಕುಮಾರ್ ಎಂಕಣ್ಣಮೂಲೆ,  ಕುಮಾರಿ ವಿದ್ಯಾಶ್ರೀ ಆಚಾರ್ಯ ಈಶ್ವರಮಂಗಲ, ಕುಮಾರಿ ಸಾಯಿ ನಕ್ಷತ್ರ ಪೆರಾಜೆ ಪ್ರಸಂಗ ಮುನ್ನಡೆಸಿದರು. ಚೆಂಡೆಮದ್ದಳೆಯಲ್ಲಿ  ಶ್ರೀಧರ ಆಚಾರ್ಯ ಈಶ್ವರಮಂಗಲ,ಅಪ್ಪಯ್ಯ ಮಣಿಯಾಣಿ ಮಂಡೆಕ್ಕೋಲು, ವಿಷ್ಣುಶರಣ ಬನಾರಿ, ಬಿ.ಎಚ್. ಕೃಷ್ಣಪ್ರಸಾದ ಬೆಳ್ಳಿಪ್ಪಾಡಿ , ಸದಾನಂದ ಮಯ್ಯಾಳ ಮತ್ತು ನಾರಾಯಣ ಪಾಟಾಳಿ ಮಯ್ಯಾಳ ಸಹಕರಿಸಿದರು. ಶ್ರೀದೇವ್ ಈಶ್ವರಮಂಗಲ ಚಕ್ರತಾಳದಲ್ಲಿ ಸಹಕರಿಸಿದರು.

 

ಅರ್ಥಧಾರಿಗಳಾಗಿ ಸರಿತಾ ರಮಾನಂದ ರೈ ದೇಲಂಪಾಡಿ, ಪವಿತ್ರಾ ದಿವಾಕರ ಗೌಡ ಮುದಿಯಾರು,   ಪ್ರೇಮ ಮನೋಹರ ಬಂದ್ಯಡ್ಕ, ಜಲಜಾಕ್ಷಿ ಸತೀಶ್ ರೈ ಬೆಳ್ಳಿಪ್ಪಾಡಿ, ಸುಮಲತಾ ಉದಯಕುಮಾರ್ ದೇಲಂಪಾಡಿ, ಸುಜಾತ ಮೋಹನದಾಸ್ ರೈ ದೇಲಂಪಾಡಿ, ಕುಸುಮ ಜಯಪ್ರಕಾಶ ಕುತ್ತಿಮುಂಡ,  ಶೀಲಾ ಹೇಮನಾಥ ಕೇದಗಡಿ, ಶಾಂತಾಕುಮಾರಿ ದೇಲಂಪಾಡಿ ಪಾತ್ರಗಳನ್ನು ನಿರ್ವಹಿಸಿದರು. ಪೂಜಾ ಸಿ.ಎಚ್ ಸ್ವಾಗತಿಸಿ, ನಂದಕಿಶೋರ ಬನಾರಿ ವಂದಿಸಿದರು. 

ತಾಳಮದ್ದಳೆಗೂ ಮೊದಲು ಚೈತ್ರಾ ರಮೇಶ್, ಸಾಯಿನಕ್ಷತ್ರ ಮಜಿಕೋಡಿ ಹಾಗೂ ಮನೆಯವರ ವತಿಯಿಂದ ಸೇವಾರೂಪವಾಗಿ ಪ್ರಾಯೋಜಿಸಲ್ಪಟ್ಟ ಈ  ವಿಶೇಷ ಕಲಾಕಾರ್ಯಕ್ರಮದ ಮೊದಲಿಗೆ ಸ್ಥಳ ಸಾನ್ನಿಧ್ಯ ಶ್ರೀ  ಗೋಪಾಲಕೃಷ್ಣ ದೇವರಿಗೆ ಪೂಜಾರ್ಚನೆ ಸಲ್ಲಿಸಲಾಯಿತು. ಶಾಂತಾಕುಮಾರಿ ದೇಲಂಪಾಡಿ, ಪೂರ್ಣಿಮ ಬನಾರಿ, ಪೂಜಾ ಸಿ.ಎಚ್, ಗುರುತ್ವಿಕ್, ಸಚಿತ್, ಹನ್ವಿತ್, ಅತಿಥಿ, ಶ್ರೀವಾಣಿ, ಮನ್ವಿತ, ಸ್ವಾತಿ, ಹನಿ, ಲಕ್ಷ, ಶ್ರವಿ, ಧೃತಿ, ರಕ್ಷ ಮತ್ತು ಈಶ್ವರಿ ಪ್ರಕೃತಿ ಇವರು  ಭಗವದ್ಗೀತೆ ಪಾರಾಯಣವನ್ನು ನಡೆಸಿದರು.