ತವರಿಗೆ ತೆರಳುವ ಕೆಲ ಗಂಟೆಗಳ ಮುನ್ನವೇ ದುರಂತ ; ಗಲ್ಫ್‌ನಲ್ಲಿ ಕೇರಳ ಯುವಕ ಸಾವು !

ಕೋಝಿಕ್ಕೋಡ್: ಹುಟ್ಟೂರು ಕೇರಳಕ್ಕೆ ಮರಳಲು ಸಿದ್ಧವಾಗಿದ್ದ ಮಲಯಾಳಿ ಯುವಕನೊಬ್ಬ ಗಲ್ಫ್‌ನಲ್ಲಿ ದುರಂತ ಸಾವನ್ನಪ್ಪಿದ್ದಾನೆ. ಕೋಯಿಕ್ಕೋಡ್‌ನ ಎಲಾತ್ತೂರಿನ ಮುಹಮ್ಮದ್ ಶಬೀರ್ (27) ಮೃತ ದುರ್ದೈವಿ. ರಿಯಾದ್‌ನ ನಸೀಮ್‌ನಲ್ಲಿರುವ ಆತನ ನಿವಾಸದಲ್ಲಿ ಶವವಾಗಿ ಪತ್ತೆಯಾಗಿದ್ದಾನೆ.

ಶಬೀರ್ ಶುಕ್ರವಾರ ರಾತ್ರಿ ಕೋಯಿಕ್ಕೋಡ್‌ಗೆ ಮರಳಲು ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನದಲ್ಲಿ ಟಿಕೆಟ್ ಬುಕ್ ಮಾಡಿದ್ದ.

ಆರೋಗ್ಯ ಸಮಸ್ಯೆಗಳ ಕಾರಣದಿಂದ ವೈದ್ಯಕೀಯ ಚಿಕಿತ್ಸೆಗಾಗಿ ಆತ ಮನೆಗೆ ಹೋಗಲು ಯೋಜಿಸಿದ್ದ. ಆದರೆ, ಅವನ ಪ್ರಯಾಣಕ್ಕೆ ಕೆಲವೇ ಗಂಟೆಗಳ ಮೊದಲು ದುರಂತ ಸಂಭವಿಸಿದೆ.

ಮೃತ ಶಬೀರ್, ಕೇರಳದ ಮುಸ್ತಫಾ ಮತ್ತು ಸುಹ್ರಾ ಅವರ ಪುತ್ರ. ಆತನ ದೇಹವನ್ನು ಕೇರಳಕ್ಕೆ ತಲುಪಿಸುವ ಪ್ರಯತ್ನಗಳನ್ನು ರಫೀಕ್ ಚೆರುಮುಕ್ಕು (ಅಧ್ಯಕ್ಷರು, ಕೆಎಂಸಿಸಿ ಮಲಪ್ಪುರಂ ಜಿಲ್ಲಾ ಕಲ್ಯಾಣ ವಿಭಾಗ), ರಿಯಾಸ್ ಚಿಂಗಾತು (ಪ್ರಧಾನ ಸಂಚಾಲಕ), ನಸೀರ್ ಕಣ್ಣಿರಿ, ಅಲಿ ಅಕ್ಬರ್ (ಅಧ್ಯಕ್ಷರು, ಕೆಎಂಸಿಸಿ ಕೋಯಿಕ್ಕೋಡ್ ಜಿಲ್ಲಾ ಕಲ್ಯಾಣ ವಿಭಾಗ) ಮತ್ತು ರಶೀದ್ ದಯಾ ಅವರು ಸಂಯೋಜಿಸುತ್ತಿದ್ದಾರೆ.