ಇಸ್ರೇಲ್-ಹಮಾಸ್ ಯುದ್ಧ: ಕೊಚ್ಚಿಯ ಸಿನಗಾಗ್‍ಗೆ ಬಿಗಿ ಭದ್ರತೆ

ಮಟ್ಟಂಚೇರಿ: ಕೊಚ್ಚಿಯ ಪರದೇಶಿ ಸಿನಗಾಗ್‍ನಲ್ಲಿ ಪೋಲೀಸರು ಬಿಗಿ ಭದ್ರತೆ ಕೈಗೊಂಡಿದ್ದಾರೆ. ಇಸ್ರೇಲ್-ಹಮಾಸ್ ಯುದ್ಧದ ಮಧ್ಯೆ ಕೇಂದ್ರ ನಿರ್ದೇಶನಗಳ ನಂತರ ಕೊಚ್ಚಿಯ ಸಿನಗಾಗ್‍ನಲ್ಲಿ ಭದ್ರತೆಯನ್ನು ಬಿಗಿಗೊಳಿಸಲಾಯಿತು.

ದಿನದ 24 ಗಂಟೆಯೂ ಸಶಸ್ತ್ರ ಪೋಲೀಸರ ಉಪಸ್ಥಿತಿ ಮತ್ತು ಕಣ್ಗಾವಲು ಇರುತ್ತದೆ. ಬಾಂಬ್ ನಿಷ್ಕ್ರಿಯ ದಳವನ್ನೂ ನಿಯೋಜಿಸಲಾಗಿದೆ. ಸ್ವಲ್ಪ ಸಮಯದ ವಿರಾಮದ ನಂತರ, ಇಸ್ರೇಲ್ ಹಮಾಸ್ ವಿರುದ್ಧದ ದಾಳಿಯನ್ನು ತೀವ್ರಗೊಳಿಸಿದೆ. 

457 ವರ್ಷ ಹಳೆಯದಾದ ಕೊಚ್ಚಿ ಪರದೇಸಿ ಸಿನಗಾಗ್ ಭಾರತದ ಪ್ರಮುಖ ಯಹೂದಿ ಸಿನಗಾಗ್‍ಗಳಲ್ಲಿ ಒಂದಾಗಿದೆ. ಇಸ್ರೇಲಿ ಅಧ್ಯಕ್ಷ ಬೆಂಜಮಿನ್ ನೆತಾಹ್ಯು, ರಾಣಿ ಎಲಿಜಬೆತ್ ಮತ್ತು ಪ್ರಿನ್ಸ್ ಚಾಲ್ರ್ಸ್ ಇಲ್ಲಿಗೆ ಭೇಟಿ ನೀಡಿ ಅಂತರರಾಷ್ಟ್ರೀಯ ಗಮನ ಸೆಳೆದಿದ್ದರು. ಪ್ರತಿದಿನ 500-1500 ಸಂದರ್ಶಕರು ಭೇಟಿ ನೀಡುವ ಈ ಸಿನಗಾಗ್, ಕೇಂದ್ರ ಸರ್ಕಾರದ ಸಂರಕ್ಷಿತ ಸ್ಮಾರಕಗಳಲ್ಲಿ ಒಂದಾಗಿದೆ. 1948 ರಲ್ಲಿ ಇಸ್ರೇಲ್ ಸ್ವತಂತ್ರವಾದ ನಂತರ ಸಾವಿರಕ್ಕೂ ಹೆಚ್ಚು ಯಹೂದಿಗಳು ಹಿಂತಿರುಗಿದರೂ, ಇಂದಿಗೂ ಯಹೂದಿ ಸಮುದಾಯವು ಸಿನಗಾಗ್ ಅನ್ನು ನಡೆಸುವ ಜವಾಬ್ದಾರಿಯನ್ನು ಹೊಂದಿದೆ. ಧಾರ್ಮಿಕ ವಿಧಿವಿಧಾನಗಳು ಧಾರ್ಮಿಕ ನಿಯಮಗಳಿಗೆ ಅನುಸಾರವಾಗಿ ನಡೆಯದಿದ್ದರೂ, ಇತರ ದೇಶಗಳ ಜನರು ಸಾಂದರ್ಭಿಕವಾಗಿ ಪ್ರಾರ್ಥನೆಗಳಲ್ಲಿ ಸೇರುತ್ತಾರೆ. ಯಹೂದಿ ವಿವಾಹಗಳು ಸಹ ನಡೆಯುತ್ತವೆ.