ದೇಶಾದ್ಯಂತ ಎಸ್‍ಡಿಪಿಐ ಕಚೇರಿಗಳ ಮೇಲೆ ಇಡಿ ದಾಳಿ; ದೆಹಲಿಯಲ್ಲಿರುವ ರಾಷ್ಟ್ರೀಯ ಪ್ರಧಾನ ಕಚೇರಿಯಲ್ಲಿಯೂ ತಪಾಸಣೆ

ತಿರುವನಂತಪುರಂ: ದೇಶಾದ್ಯಂತ ಎಸ್‍ಡಿಪಿಐ ಕಚೇರಿಗಳ ಮೇಲೆ ನಿನ್ನೆ ಇಡಿ ದಾಳಿ. ಎಸ್‍ಡಿಪಿಐ ರಾಷ್ಟ್ರೀಯ ಅಧ್ಯಕ್ಷ ಎಂಕೆ ಫೈಜಿ ಬಂಧನದ ನಂತರ ಇಡಿ ದಾಳಿ ನಡೆದಿದೆ.

ತಿರುವನಂತಪುರಂನಲ್ಲಿರುವ ರಾಜ್ಯ ಸಮಿತಿ ಕಚೇರಿಯಲ್ಲೂ ತಪಾಸಣೆ ನಡೆಸಲಾಯಿತು. ತಿರುವನಂತಪುರದ ಬೇಕರಿ ಜಂಕ್ಷನ್‍ನಲ್ಲಿರುವ ಕಚೇರಿಯಲ್ಲಿ ತಪಾಸಣೆ ನಡೆಸಲಾಗಿದೆ. ಪ್ರಸ್ತುತ, ಕೇರಳ ಸೇರಿದಂತೆ 10 ರಾಜ್ಯಗಳಲ್ಲಿ ದಾಳಿ ನಡೆದಿರುವ ಬಗ್ಗೆ ಮಾಹಿತಿ ಹೊರಬರುತ್ತಿದೆ.

ಪೋಲೀಸರಿಗೆ ಮಾಹಿತಿ ನೀಡದೆ ಇಡಿ ತನಿಖೆ ಸಂಪೂರ್ಣ ಗೌಪ್ಯವಾಗಿ ಪ್ರಾರಂಭವಾಯಿತು. ಪಿಎಫ್‍ಐ ಕಾರ್ಯಕರ್ತರಿಗೆ ಎಸ್‍ಡಿಪಿಐ ಹಣಕಾಸು ನೆರವು ನೀಡಿರುವ ಬಗ್ಗೆ ಜಾರಿ ನಿರ್ದೇಶನಾಲಯಕ್ಕೆ ಪುರಾವೆಗಳು ದೊರೆತಿದ್ದವು. ಎಸ್‍ಡಿಪಿಐ ಚಟುವಟಿಕೆಗಳು ಪ್ರಸ್ತುತ ಪಿಎಫ್‍ಐ ನಿಧಿಯನ್ನು ಬಳಸಿಕೊಂಡು ನಡೆಸಲಾಗುತ್ತಿದೆ ಎಂದು ಇಡಿ ಪತ್ತೆಮಾಡಿದೆ. 

ಎಸ್‍ಡಿಪಿಐ ರಾಷ್ಟ್ರೀಯ ಅಧ್ಯಕ್ಷ ಮೊಯ್ದೀನ್‍ಕುಟ್ಟಿ ಫೈಜಿ ಅಲಿಯಾಸ್ ಎಂ.ಕೆ. ಫೈಜಿ ಅವರನ್ನು ಸೋಮವಾರ ರಾತ್ರಿ ದೆಹಲಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಜಾರಿ ನಿರ್ದೇಶನಾಲಯವು ಹಣ ಅಕ್ರಮ ವರ್ಗಾವಣೆ ತಡೆ ಕಾಯ್ದೆ (ಪಿಎಂಎಲ್.ಎ.) ಅಡಿಯಲ್ಲಿ ವಶಕ್ಕೆ ತೆಗೆದುಕೊಂಡಿತು.