26 ವಾರದ ಭ್ರೂಣ ತೆಗೆಸಿಕೊಳ್ಳಲು ಕೋರ್ಟ್‌ ಅನುಮತಿ

ಮುಂಬೈ: ಅಸ್ಥಿಪಂಜರ ಸಂಬಂಧಿ ತೊಂದರೆ ಇದ್ದ ತನ್ನ 26 ವಾರದ ಭ್ರೂಣವನ್ನು ತೆಗೆಸಿಕೊಳ್ಳಲು 32 ವರ್ಷದ ಮಹಿಳೆಯೊಬ್ಬರಿಗೆ ಬಾಂಬೆ ಹೈಕೋರ್ಟ್‌ ಅನುಮತಿ ನೀಡಿದೆ. 'ಇದು ಮಹಿಳೆಯೊಬ್ಬರ ಸಂತಾನೋತ್ಪತ್ತಿ ಸ್ವಾತಂತ್ರ್ಯ ಮತ್ತು ಇದು ದೇಹದ ಮೇಲಿನ ಮಹಿಳೆಯರ ಹಕ್ಕು' ಎಂದು ಕೋರ್ಟ್‌ ತೀರ್ಪು ನೀಡಿದೆ.

ಮಹಿಳೆ ತನ್ನಿಚ್ಛೆಯ ಖಾಸಗಿ ಆಸ್ಪತ್ರೆಯನ್ನು ಆಯ್ಕೆ ಮಾಡಿಕೊಳ್ಳಲು ಅನುಮತಿ ನೀಡಿದೆ. ಆ ಆಸ್ಪತ್ರೆಯು ವೈದ್ಯಕೀಯ ಗರ್ಭಪಾತ ಕಾಯ್ದೆ ಅನ್ವಯ ತೆಗೆದುಕೊಳ್ಳಬೇಕಾದ ಎಲ್ಲ ಕ್ರಮಗಳನ್ನು ತೆಗೆದುಕೊಂಡಿರುವ ಬಗ್ಗೆ ಪ್ರಮಾಣಪತ್ರ ಸಲ್ಲಿಸಬೇಕು ಎಂದೂ ನ್ಯಾಯಾಲಯ ಹೇಳಿದೆ. ನ್ಯಾಯಮೂರ್ತಿಗಳಾದ ರೇವತಿ ಮೊಹಿತೆ ಡೆರೆ ಹಾಗೂ ನೀಲಾ ಗೋಖಲೆ ಅವರು ಮಾರ್ಚ್‌ 28ರಂದು ಈ ತೀರ್ಪು ನೀಡಿದ್ದಾರೆ.